Hadhwanaag
Hargaysa (HWN) Waxa magaalada Hargaysa lagu xidhay Qadan Qaran iyo Goosha Isaaq oo kamid ah hablaha baraha Bulshada caanka ka ah, sida uu Booliska Somaliland ku sheegay war uu baahiyay.
Booliska ayaa labadan
dumara ku eedeeyay inay faafinayeen kicin dadwayne iyo eedo kale, sida warkan
hoose uu ku sheegay Booliska Somaliland.
"Ciidanka Booliska
JSL ayaa gacanta kusoo dhigay Eedaysan Qadan Cabdilaahi Maxamed iyo Ubax
Cabdiraxmaan Cumar kuwaasi oo dhawaanahan baraha bulshada ku faafinaayay
aflagaadooyin , kicin dadweyne iyo
dhaqamo xunxun oo kasoo horjeeda Diinteenna suubban iyo dhaqanka wanaagsan.
Ciidamada Boolisku
iyagoo gudanaayo waajibaadka ka saaran ilaalinta Diinta , dhaqanka iyo
bad-qabka bulshada ayay labadan eedaysane gacanta kusoo dhigeen , waxaana degdeg loo horgayn doonaa Hay'addaha
garsoorka .
Taliska Ciidanka
Booliska JSL ,waxa uu digniin u dirayaa
dadka caadaystay dhaqamada noocan oo kale ah , cidii falalka noocaasa ku kacdana waxa laga qaadi doonaa talaabo sharciga waafaqsanâ ayuu lagu yidhi war
uu baahiyay Xafiiska Warbaahinta Ciidanka Booliska JSL.
Xogta aanu helnay ayaa
sheegaysa in labadan dumara ee la xidhay ay warbaahinta isku mariyeen saacadihii
la soo dhaafay hanjabaado.
Saldhiga dhexe ee
Hargaysa ayaa hadda la geeyay labadani hablood sida ay xaqiijiyeen illo
xogogaal ah.
