Kulankan oo ka dhacay magaalada Nairobi, waxa diiradda lagu...
Kulankii dhawaan ay yeesheen Wasiirka Wasaaradda Waxbarashada, Barbaarinta iyo Sayniska ee Jamhuuriyadda Somaliland, Prof. Ismaaciil Ducaale Yuusuf, iyo madaxda sare ee Mashruuca Global Partnership for Education (GPE), ayaa si cad u muujinaya sida Somaliland uga go’an tahay horumarinta waxbarashada iyada oo loo marayo iskaashi iyo taageero caalami ah.
Kulankan oo ka dhacay magaalada Nairobi, waxa diiradda lagu saaray qiimeynta heerka uu marayo mashruuca GPE ee Somaliland, iyo sidii loo horumarin lahaa qorshayaasha cusub ee tayaynta waxbarashada dalka. Tani waa tallaabo muhiim ah oo muujinaysa xoojinta wadashaqaynta Somaliland iyo hay’adaha caalamiga ah si waxbarashada dalka looga dhigo mid tayo leh oo waxtar u leh bulshada.
Iskaashigan cusub ee la xoojiyay waa tusaale fiican oo muujinaya sida Somaliland ay uga go’an tahay in waxbarashada JSL ay noqoto tiir muhiim u ah horumarka guud ee dalka, iyadoo la adeegsanayo xidhiidhada caalamiga ah iyo wada shaqaynta hay’adaha caalamiga ah. Waxaana laga sugayaa in mashruuca GPE uu sii wado taageerada muhiimka ah ee uu siiyo Somaliland, si loo gaadho himilooyinka waxbarasho ee dalka.
hadhwanaagnews 
