hadhwanaagnews
Maayarka Caasimadda Cabdikariim Axmed Mooge ayaa jawaab ka bixiyay ee daymo uga yimid Xildhibaano ka tirsan Golaha Deegaanka Hargeysa.
Qoraal uu soo saaray Cabdikariim Axmed Mooge ayaa waxa uu ku sheegay in aanay waxba ka jirin daymaha Xildhibaanada usoo jeediyeen, isla markaana aanay waafaqsanan xeer lambar 23.
Waxaana uu u dhignaa sidan.
"Ujeedo: Jawaab Celin ku Lid ah Dalbashada Kalfadhi aan Caadi ahayn.
Mudanayaal,
Waxa isoo gaadhay qoraalkiina ku taariikhaysan 29/03/2025, ee aad ku dalbanaysaan in aan idiin qabto kalfadhi aan caadi ahayn, waxaana laga mamaarmaan ah in aan idinka silyo jawaab sharciga waafaqsan, waana tan jawaabtayada
Ugu horayn waxa aad iga dalbateen in aan idiin qabto kalfadhi aan caadi ahayn, idinka oo cuskaday qodabka 70aad, faqradiisa laad, xarihiisa A iyo D ee xeer Ir.23/2019, faqradahan co tilmaamaya (ka-leexashada gudashada waajibaadka golaha Degmada iyo Istaraajiyada Guud ee Qaranka iyo in aan caadaystay ku tumashada Shuruucda iyo Xeerarka Qaranka)
Waxa kale oo aad igu eedayseen in aan qaban waayey Kalfadhiyadii Golaha ee ay Waajiblyeen Xeer Ir.23/2019 iyo Xeer Hoosaadka Golaha Deegaanka.
Waxaad iyadana igu eedayseen in aan jabiyey sida ku cad qodobka 70aad, faqradiisa 1aad, Xarafkiisa B oo dhigaya in aan Jabiyey Xeer Hoosaadka Golaha iyo Xeer Ir 23/2019.
Waxaad igu Eedayseen sida kucad qodobka 70aad, faqradiisa 1aad, Xarafkiisa C oo tilmaamaya in aan ku sifoobay Awood Maroorsi iyo Kali Talisnimo.
Ugu danbayn waxaad igu eedayseen in aan jabiyey qodobada 44aad iyo 51aad ee Xeer Ir 23/2019 oo ka hadlaya Fadhiyada Golaha iyo Masuuliyadaha Duqa lyo Awoodihiisa
Hadaba hadii aan ka jawaabo Eedaha aad ii soo jeediseen ee Xagga sare ku xusan, guud ahaan waa Eedo aan sal iyo raad lahayn isla markaana aan waafaqsaneyn qodobada aad u adeegsateen, aniga oo mid-mid uga bixinaya Jawaab Sharci waana kuwan jawaabaha Sharci ee doodiina ka dhigaaya Sharci daro:
Eeda Koowaad ee aad u cuskateen qodobka 70aad, Faqradiisaa 1aad, Xarfaha A lyo D, kuma Cada qoraalkiina wax cadaynayaa Waajibaad aan gudan waayey, Istaraajiyad Qaranku leeyahay oo aan ka leexday lyo Shuruuc iyo Xeerar Qaranku leeyahay oo aan gudan waayey. Kaliya waxaad so copy garayseen sida uu qodobku u qornaa, laaklin maydaan sheegin Waajibaad aan gudan waayey, Istaraajiyada Qaranku leeyahay oo aan ka leexday iyo qodob Sharci oo aan jabiyey, taasina waxay Cadayneysaa in eediinu tahay eedayn afka baarkiisa ah.
Eeda labaad waxaad igu eedayseen in aan qaban waayey kalfadhiyadii golaha ee caadiga ahaa. Hadaba mudanayaal waxaad ilowdeen ama aad isdiidslineysaan go’aankii goluhu gaadhay kalfadhigii udanabeey ee 9aad oo aan isku raacaney in aan dib udhigno kalfadhiyada golaha ilaa inta doorashada laga soo noqonaayo. Waxa sidoo kale aad ogtihiin oo aan dib idiin Xasuusinayaa in doorashadii kadib aan idiin sameeyey laba yeedhmo oo kala ahaa 5/01/2025 iyo 8/01/2025, labadaa fadhi oo inoo qabsoomi lahaana idinka ayaa ka cudur daartay, tanina waxay ka dhigaysaa Eediinin waxba kama jiraan.
Eeda seddexaad ee aad igu eedayseena waxa weeyaan in aan jablyey Xeer hoosaadka Golaha iyo Xeer Lr 23/2019. Mudanayaal qoraalklina kuma Xusna hal qodob oo aan jablyey ama baal maray iyadana waxaad soo copy garayseen uun sida uu Xeerku qoraayey, tanina waxay Cadayneysaa in aaney Eedilnu lahayn aasaas Sharci oo cid lagu eedeeyo.
Eeda Afraad waxaad igu Eedayseen sida kucad qodobka 70aad, faqradiisa laad, Xarafkiisa C oo tilmaamaya in aan ku sifoobay Awood Maroorsi iyo Kali Talisnimo. Eedanina waxay lamid tahay uun Eedihiina hore oo aan ka badneyn uun inaad cuskateen Mabaadida guud ee qodobku Xanbaarsan yahay idinka oo aan wax cadayn ah haysan. mudanayaal aniga iyo guddiga fulintu waxaanu ku shaqaynaa Awoodaha uu na silyey Xeer Ir. 23/2019, Awoodaha uu na silyey Xeer Hoosaadka Goluhu iyo Go’aanada ka soobaxa kalladhiyada uu goluhu yeesho, mana jiro hal go’aan oo ka hor imanaya seddexdaa Awoodood ee xeerku na silyey oo ka soo baxay Aniga oo ah Duqa ama Xubnaha kale ee Guddiga Fulinta. mallaha kali talisnimada waxaad utaqaanaan Xilgudashada hawl maalmeedka Duqa iyo Guddiga Fulinta. ee ku tilmaaman Xeer Lr.23/2019 iyo Xeer Hoosaadka Golaha.
Eeda Shanaad ee aad igu eedayseena waxay la mid tahay uun Eedihiina riyada ah ee aan sal iyo raad toona lahayn, kuna dhisneyn dood Sharcl.
Hadaan wax ka idhaahdo Sharcinimada qoraalkiina aad ku dalbaneysaan in aan qabto Kalfadhiga aan Caadiga ahayn, waa qoraal aan sharciga waafaqsaneyn, waayo Xildhibaanada qaarkood waxay cadeyeen in aanay dalban Kalfadhi aan caadi ahayn balse saxeexoodu ahaa mid ay ku dalbanayeen in la qabto kalfadhigii Golaha ee 10aad, Sidoo kale waxa cad in taariikhda qoraalkiina, in xildhibaano ku cad liisku ay dalka ka maqnayeen, arrintana waxa cadaynaaya sida aaney uwada socon qoraalka Eeda iyo Saxeexyadu, waayo qoraalku malaha (initial signature).
Mar hadii soo jeedintiina qabashada Kalfadhi aan Caadi ahayn ay tahay mid aan Waafaqsaneyn Xeer Lr.23/2019 iyo Xeer hoosaadka Golahaba, majirti sabab aan u qabto shir aan caadi ahayn oo goluhu yeesho, waxaanse diyaar u ahay qabashada kalfadhiyadil caadiga ahaa ee suura gal ka noqon waayey Xaglina.
Ugu danbayn eedihiina waxaan ka qabaa dood Sharci maadama oo aaney Sharciga Waafaqsaneyn, sidaa darteed aniga oo habraacaaya Xeer hoosaadka Golaha Deegaanka Qodabkiisa 30aad, faqradiisa 6aad oo udhigan: Haddii ay doodi ka dhalato Sharcinimada xilka qaadista waxa loo gudbinayaa guddiga joogtada ah ee golaha si ay udhex dhexaadiyaan arrintana u xaliyaan, hadii ay maarayn kari waayana waxa loo gudbinayaa Gudoomiyha Gobolka lyo Wasaaraddaha arrimaha Gudaha iyo Wasaarada Dawladdaha Hoose.
