Wasiirkii hore ee Beeraha Somaliland Axmed Muumin Seed
Siyaasi Axmed Muumin Seed ayaa ka warbixiyay xaaladda abaareed ee gobollada Awdal iyo Salel, waxaanu sheegay in ay deegaanadaasi ka jirto biyo la’aan xoogan, loona baahan yahay in gurmad deg-degg ah la gaadhsiiyo dadkaasi ay abaartu ku laba jirsatay.
Wasiirkii hore ee Beeraha Somaliland Axmed Muumin Seed ayaa ku baaqay xukuumadda iyo guud ahaan dadwaynaha Somaliland, qof kasta oo wax heli kara in gurmad Qaran lala gaadho dadkaasi oo uu xusay in biyo la’aanta ay u dheer tahay kulaylka xaggaaga oo isna dhib ku haya.
Siyaasi Axmed Muumin Seed ayaa aad u bogaadiyay maamulka gobolka Awdal iyo ka degmada Boorama oo uu xusay inay ku hawlan yihiin sidii dadkaasi loogu gurman lahaa, loona gaadhsiin lahaa kaalmo biyo iyo baad isugu jirta, si Xoolaha iyo dadka loo badbaadiyo.
hadhwanaagnews 
