Hadhwanaag
Hargaysa (HWN) Xukuumadda Jamhuuriyadda Somaliland ayaa si xoog leh u cambaareysay, ugana soo horjeedsatay in ciidammada Masar la geeyo Soomaaliya, taasi oo ay ku tilmaantay inay uga sii darayso nabada iyo xasiloonida gobolka Geeska Afrika.
Wasaaradda Arrimaha
Dibadda JSL ayaa warsaxaafadeed ay soo sartay oo soo Wakaaladda wararka ee
SOLNA soo turjuntay, ku sheegtay in aanay aqbali karin ciidammada Masar
yimaadaan Soomaaliya, si loogu wiiqi nabadgelyada iyo ammaanka mandaqada ee
nuglaa markiisa horeba.
Waxa kale oo ay sheegtay in qorshaha ciidammada Masar aan lagu sallayn daraasad lagu sameeyay ammaanka Soomaaliya, isla markaana aan tixgelintii ay mudnaayeen la siinin dalalka mandaqada ee arrintaasi khusaysay.
Waxa kaloo Xukuumadda JSL xaqiijisay in ciidamada Masar ay curyaaminayaan dedaallada nabada iyo xasiloonida mandaqada.
Sidoo kale, waxa
warsaxaafadeedka Wasaaradda Arrimaha dibadda lagu caddeeyay in JSL oo ah waddan
madax bannaan oo dimuqraadi ah ay kala mowqif tahay dalalka la jaarka ah Soomaaliya ee diidan in ciidammo shisheeye la
geeyo Soomaaliya, taasi oo waxyeello ku
ah shacbiga Somaliland.
Xukumadda JSL waxa ay
beesha caalamka ku boorisay inay naqdiyaan isla markaana ka hortagaan halista
laga soo waaridayo Masar, oo la sameeyo xal nabadeed iyadoo kor loo qaadayo
xalka dhinaca diblomaasiyadda, lana tixgelinayo madaxbannaanida iyo midnimada
dhammaan dalalka Geeska Afrika.
War-murtiyeedka
Xukuumada waxa lagu shaaciyay in aanay JSL iska taagnaan doonin iyadoo ay ku
soo fool leedahay haliso khatar ku ah nabadgelyadeeda ay juhdiga adag ku
hanatay iyo ammaanka gobolka oo dhan.
Xukuumaddu waxa ay
beesha caalamka ugu baaqday in ay qaadaan tallaabooyin degdeg ah oo ay ku
ilaalinayaan xasiloonida Somaliland iyo ka mandaqada oo dhan.
