hadhwanaagnews 
Guddoomiyaha Guddida Qandaraasyada Qaranka, Mudane Cabdoo
Axmed Ayir, ayaa kormeer ku tegay qaybo ka mid ah mashaariicda laga fuliyay
gobolka Maroodijeex, gaar ahaan caasimadda Hargeysa.
Kormeerkan waxaa ku weheliyay xubno ka tirsan guddida,
agaasime waaxeedyo iyo shaqaalaha xafiiska, kuwaas oo kulan xog-weydaarsi ah la
yeeshay Wasiirrada iyo Agaasimayaasha Guud ee Wasaaradaha Maaliyadda iyo
Hawlaha Guud.
Intii uu socday kormeerku, waftigu waxay booqdeen mashaariic
ay ka mid yihiin dhismaha xarunta Wasaaradda Hawlaha Guud iyo dib-u-habaynta
xarunta Wasaaradda Maaliyadda, kuwaas oo laga maalgeliyay miisaaniyadda
qaranka.
Masuuliyiintu waxay qiimeeyeen heerka fulinta mashaariicdan
iyo sida ay u socoto hawsha, iyagoo xusay muhiimadda ay leedahay hufnaanta,
kormeerka joogtada ah iyo ilaalinta tayada mashaariicda qaranka.
