hadhwanaagnews
Mas’uuliyiin ka tirsan wafti Somaliland ah ayaa magaalada Stockholm kulan kula yeeshay xildhibaanno ka tirsan baarlamaanka Sweden, iyagoo ka wada hadlay xoojinta xidhiidhka diblomaasiyadeed iyo doorka sii kordhaya ee Somaliland ee fagaaraha caalamiga ah.
Kulanka ayaa waxaa ka qayb galay xubno ka tirsan baarlamaanka Sweden oo ka kala socday axsaab siyaasadeed oo kala duwan, kuwaas oo qaarkood muujiyay taageerada ay u hayaan dadaallada Somaliland ee aqoonsi raadiska.
Waftiga Somaliland ayaa xildhibaannada Sweden warbixin ka siiyay xaaladaha siyaasadeed ee Geeska Afrika, horumarka Somaliland ka samaysay dhinacyada dawladnimada, diblomaasiyadda iyo iskaashiga gobolka.
Kulankan ayaa lagu tilmaamay mid qeyb ka ah dadaallada Somaliland ay ku xoojinayso xidhiidhada caalamiga ah iyo raadinta taageero diblomaasiyadeed oo ku aaddan aqoonsigeeda.
 |
 |
 |
 |
 |
 |
 |
