hadhwanaagnews
Mararka qaarkood arrimuhu uma dhacaan sidii aad qorshaysay. Taasi ma aha mar walba nasiib xumo, balse mararka qaarkood waa cashar uu Ilaahay ku barayo. Wuxuu ku tarbiyaynayaa, ku korinayaa, wuxuuna ku tusayaa xaqiiqda ah in aad u baahan tahay gargaar iyo hanuun Eebbe.
Marka ay caqabaduhu yimaadaan, Ilaahay wuxuu qofka ku barayaa samirka, tawakulka iyo fahamka in aadan adigu wax walba gacanta ku hayn.
Sheekh arrintan ka hadlay ayaa sheegay in dad badan u yimaadaan iyaga oo leh:
"Walaal, nasiib xumo joogta ah ayaa i haysata."
Marka uu weydiiyo: "Ma tukataa?”
Waxay ku jawaabaan: "Maya.”
Markaas ayuu ku yidhaahdaa: haddii aadan tukan, noloshaada waxaa ku badan doona jahawareer iyo dhibaatooyin soo noqnoqda. Qofku haddii uusan joogteyn shanta salaadood maalin kasta, sidee ayuu u filan karaa xasillooni, barako iyo ilaalin?
Salaaddu waa xidhiidhka tooska ah ee u dhexeeya addoonka iyo Rabbigiis. Marka xidhiidhkaasi go’o, qalbigu wuu qallalaa, noloshuna waxay gashaa qalalaase iyo isku dhex yaac.
Haddii aad rabto inaad ka baxdo cidhiidhiga iyo culayska nolosha, ka bilow hagaajinta salaadda. Sababtoo ah arrimuhu ma hagaagaan ilaa la hagaajiyo xidhiidhka Ilaahay.
Mohamed Haybe
Ramadaan Mubaarak.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
