Shirka Wada-tashiga Saaxil: Horumarinta Dhalinyarada iyo Ciyaaraha Somaliand

Saturday August 30, 2025 - 10:21:31
hadhwanaagnews
Tallaabadan ayaa muujinaysa sida Wasaaradda


 Wasaaradda Dhallinyarada iyo Ciyaaraha, oo kaashanaysa Xafiiska Gobolka Saaxil, ayaa shalay magaalada Berbera ku qabatay Shirka Wadatashiga, Qiimaynta Baahiyaha iyo Kala Mudnaanta ee Horumarinta Dhallinyarada iyo Ciyaaraha.

Shirkan oo uu furay Agaasimaha Guud ee Wasaaradda, Mudane Cabdilaahi Maxamed Maxamuud Jiidhe, ayaa lagu qiimeeyey baahiyaha dhallinyarada gobolka iyo sidii loo kala mudnaanta siin lahaa mashaariicda iyo barnaamijyada ciyaaraha ee ka faa’iideeya bulshada.

Tallaabadan ayaa muujinaysa sida Wasaaradda Dhallinyarada iyo Ciyaaraha u fahamsan tahay muhiimadda dhallinyarada, isla markaana ay u diyaar u tahay in qorshayaasha horumarineed ay noqdaan kuwo hufan, waxtar leh, isla markaana ka turjumaya rabitaanka dhallinyarada iyo baahiyahooda.

Shirka noocan oo kale ah wuxuu sidoo kale cadeyn u yahay sida iskaashiga dowliga ah iyo wadatashiga bulshada ay muhiim ugu yihiin horumarinta dhallinyarada iyo kor u qaadida ciyaaraha, kuwaas oo qeyb ka ah istaraatiijiyadda guud ee xukuumadda ee horumarinta bulshada.
     
Loading...