hadhwanaagnews
Ciidamada Booliska Gobolka Togdheer ayaa shalay hawl gal ay ka fuliyeen Magaalada Burco waxa ay gacanta ku soo dhigeen Toorriyo tiro badan iyo Budhadhka dadka lagu waxyeeleeyo.
Taliyaha qaybta booliska Gobalka Togdheer Gaashaanle dhexe Khadar Faarax oo ka warbixiyay hawlgalka ay ka fuliyeen Magaalada Burco, ayaa waxa uu yidhi "Anaga oo fulinayna awaamiirtii Taliyaha booliska ee ahayd in laga hawlgalo Toorriyaha iyo budhadhka, waxa aanu hawlgal ka fulinay gudaha Magaalada Burco oo Ciidanka booliska ku soo qabteen toorriyo iyo budhadh.”
Taliyaha qaybta booliska Gobalka Togdheer Gaashaanle dhexe Khadar Faarax, sidoo kale waxa uu u mahad celiyay ciidamada booliska gobolka ee ka hawl-galay arrintan, waxaanu yidhi "Waxa aan aan u mahad celinayaa Ciidanka booliska ee ka hawlgalay arrinta. waxaana aan u soo jeedinayaa bulsho weynta Gobalka Togdheer in mididu tahay dilaa. Toorrayda waa dambi, Soodhka iyo Budhku waa la mid. hawlgalku wuu soconayaa waxa aan leeyahay ka iibinaya iskadaa hadaad iska dayn waydo booliska wuu kugu qabanayaa”.
