Daraasadda 2-aad oo laga sameeyey Colaadda Deegaanka Xero-jaale
Daraasado laga sameeyey dimuqraadiyadda & colaadda deegaannada Puntland oo la soo bandhigey;
Daraasadda 1-aad ee madasha lagu soo bandhigay ayaa laga sameeyey 30-kii Degmo ee doorashada laga qabtay 25 May 2023, intii ay Daraasadaan socotay waxaa wax laga soo qoray qaybaha kala duwan ee Dowladdaha Hoose sida:- qaabdhismeedka shaqo ee Dowladda Hoose, Shuruucda ay ku shaqeeyaan, heerka Aqooneed ee Agaasiyaasha Waaxayaha, qalabka ay ku shaqeeyaan, heerka aqooneed ee Golaha Deegaanka, Fulinta iyo Xafiisyada kala duwan ee Dowladda Puntland ee ku yaal Degmooyinka.
Daraasadda 2-aad oo laga sameeyey Colaadda Deegaanka Xero-jaale ee Gobolka Mudug ayaa lagu soo bandhigay xiligii ay bilaabantay, intii dad ku dhintay, dhawacyadii soo gaaray, intii heshiis laga galay ee hore iyo kii ugu dambeeyey ee Dowladda Puntland awoodda saartay sidii loo afjari lahaa iyo ugu dambay qaababka loo sii wadi lahaa fulinta heshiisyadii lagalay iyo ku dhaqanka go'aanadii ka soo baxay.
Wasaaradda Arrimaha Gudaha Puntland waxaa si dhow ugala shaqeeyey soo bandhigidda daraasadahaan iyo sii wadista shaqooyinka Hay'adda SFF, waxaana Fulinayey Hay'adda maxaliga ah ee CES iyo ISRAAC.
hadhwanaagtv 
