Xukuumadda Fadhigeedu yahay Magaalada Muqdisho ee Caasimada
Dalka Soomaaliya ayaa sheegtay in ay rajo wanaagsan ka qabto in xisbiyada
Mucaaradka Somaliland kala shaqeeyaan midnimo dambe oo Somaliland iyo
Soomaaliya dhexmarta.
Raysalwasaaraha Soomaaliya Xamse Cabdi Barre ayaa sheegay in
midnimo dhexmarta laba dal ee Somaliland iyo Soomaaliya ay ka xigto doorashada
Madaxtooyada ee dhawaan dalka ka dhacaysa oo ay ku guulaystaan Xisbiyada
Mucaaradku.
"Haddii ay doorasho Somaliland ka dhacdo oo ay madax cusub
dadku soo doortaan waxaanu rajaynaynaa in aanu isla jaanqaadi doono oo aanu
heli doono Soomaaliya oo mid ah oo walaalo ah” ayuu yidhi
Hadalka Xamse Cabdi Barre ayaa muujinayaa in Muqdisho diidan
tahay in uu dib usoo laabato Madaxweynaha Somaliland, Mudane Muuse Biixi Cabdi
bedelkiisa ay doorashada ku guulaystaan Xisbiyada Mucaaradka Somaliland oo kala
shaqaynaaya midnimadii burburtay sannadkii 1991kii, 18 May.