hadhwanaagnews
Moscow – Ruushka iyo Kuuriyada Waqooyi ayaa xadhigga ka jaray biriish cusub oo loogu magac daray "Biriishka Saaxiibtinimada”, kaas oo isku xidhaya labada dal.
Biriishkan ayaa la sheegay inuu xoojinayo isku-xidhka ka dhexeeya Ruushka iyo Kuuriyada Waqooyi, gaar ahaan dhinacyada gaadiidka iyo ganacsiga, iyadoo labada dal ay sannadihii u dambeeyey sii xoojinayeen xidhiidhkooda.
Horumarkan ayaa walaac ka abuuray dalalka reer Galbeedka, kuwaas oo si dhow ula socda iskaashiga sii kordhaya ee u dhexeeya Moscow iyo Pyongyang, gaar ahaan dhinacyada amniga iyo dhaqaalaha.
Si kastaba ha ahaatee, labada dal ayaa hore u lahaa isku-xidh tareen oo u dhexeeya Ruushka iyo Kuuriyada Waqooyi, kaas oo muddo dheer qayb ka ahaa isku-socodka labada dhinac.
Biriishka cusub ayaa sidaas darteed noqonaya waddo dheeraad ah oo lagu xoojinayo isku-xidhka labada dal, xilli xidhiidhka Ruushka iyo Kuuriyada Waqooyi uu galay marxalad cusub oo iskaashi ah.
