hadhwanaagnews
Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa farriin u diray Madaxweynihii hore ee Somaliland, Muuse Biixi Cabdi, isaga oo ugu baaqay inuu taageero dedaallada lagu raadinayo aqoonsiga Jamhuuriyadda Somaliland.
Madaxweynuhu waxa uu sheegay in qaddiyadda aqoonsigu ay tahay arrin qaran oo ka sarreysa kala aragti duwanaanshaha siyaasadeed, isla markaana u baahan in la mideeyo dadaallada lagu horumarinayo danaha Somaliland.
Aqoonsiga oo Lagu Tilmaamay Himilo Qaran
Madaxweyne Cirro ayaa xusay in aqoonsiga Somaliland uu yahay himilo ay shacabka Somaliland muddo dheer u soo halgameen, isaga oo ku baaqay in la garab istaago dedaallada lagu xaqiijinayo.
Hadalka Madaxweynaha
Madaxweyne Cabdiraxmaan Cirro ayaa yidhi:
"Muuse Biixi waxaan leeyahay, aqoonsiga aad kabo la’aanta uga soo oroday, beerta ha ka soo horjeesan.”
Baaq Midnimo
Madaxweynuhu waxa uu ugu baaqay siyaasiyiinta iyo shacabka Somaliland inay mideeyaan mowqifkooda ku aaddan qaddiyadda aqoonsiga, isaga oo sheegay in wadajirka iyo iskaashigu yihiin furaha lagu gaadhi karo himilooyinka qaranka.
