hadhwanaagnews
Hay’adda ugu sarreysa caafimaadka dadweynaha ee Afrika ayaa si rasmi ah u xaqiijisay in cudurka halista ah ee Ebola uu ka dillaacay bariga Jamhuuriyadda Dimuqraadiga ah ee Congo, iyadoo wararka hordhaca ah ay sheegayaan in ugu yaraan 65 qof ay cudurkaasi u dhinteen.
Saraakiisha caafimaadka ayaa ka digaya khatar weyn oo ku saabsan in cudurku u gudbo dalalka deriska ah, maadaama kiisas la tuhunsan yahay laga soo sheegay deegaanno ku dhow xuduudaha Uganda iyo Koonfurta Suudaan.
Dhanka kale, dowladda Uganda ayaa Jimcihii xaqiijisay hal kiis oo cudurka Ebola ah oo kasoo gudbay DR Congo, kadib markii nin 59 jir ah oo Khamiistii geeriyooday laga helay cudurkaasi.
Sida ay sheegtay Xarunta Xakamaynta iyo Kahortagga Cudurrada Afrika ee Africa CDC, ilaa hadda waxaa la diiwaangeliyay ku dhowaad 246 kiis iyo 80 dhimasho ah, kuwaas oo inta badan laga soo sheegay magaalooyinka dahabka laga qodo ee Mongwalu iyo Rwampara.
