Colaadaha La Joojiyo,Cafigaynu Barina,Cirka Eebbaheen Da*Ay.

Bismillaahi Alraxmaan Alraxiim (A.S.C.W.R.W.B)

Tu Khaas Ahna Bahda H/W Iyo Akhristayaasha.

1-Curashada Cirkee Guga,Citiraafka Buuxsamay,

Cabashadii Dadkeenaa,Caadikeenu Ka Aqbalay.

Cirro Xoog Ku Keeniyo,Cududeena Kuma Imanè,

Casiiskeena Mahadsho,Caasiyiin Ha Noqonina.

2-Ciyaariyo Durbaan,Cagtaw Dhiga Mashxarado,

Cirteed Bogoto Dumaro,Casar Seexata Ceebah,

Rag Caloosha La Ciyaar,Ciil Kama Koraa Daran,

Casiiskeena Mahadsho,Caasiyiin Ha Noqoninah.

3-Caana Goorta Saydhaan,Laysu Soo Ciyaargudo,

Cadaloolka Iyo Luufka,Çuudka Kala Xabadhaan,

Cabsidii Ilaahay(Swt),Camal Khayrleh Laga Tago,

Casiiskeena Ka Yaaba Oo,Caasiyiin Ha Noqoninah.

4-Cuudkaydun Dhaqataan,Caws Intod Beertaan,

Carcaraafka Geedigan,Cisho Noolba Joogiyo,

Ceelal Iyo Berkedo Qoda,Guga Inta Ka Celisan,

Casiiskeena Mahadsho,Caasiyiin Ha Noqonina.

Ismail Abdillahi Handuleh.