Marka Khilaafku Yimaado: Talooyin ku Socda Kuwa Guurka u Diyaar Garowga ama Ku Cusub

Kuwa isu diyaarinaya guurka ama ku cusub nolosha guurka, waa muhiim in la ogaado sida khilaafaadka loo maareeyo marka ay yimaadaan. Guurku ma aha meel lagu muujiyo cidda saxda ah mar kasta, balse waa xiriir u baahan faham, tanaasul iyo wada shaqayn.

1. Haddii arrintu ku xidhan tahay xukun shareeco:

Ha laga qaado arrinta aragti shakhsi ah. Waxaa la raacayaa waxa Alle iyo Rasuulku cadeeyeen, maadaama shareecadu tahay hagaha ugu saxda ah ee nolosha qoyska.

2. Haddii ay la xidhiidho arrin takhasus leh:

Haddii khilaafku taabanayo arrimo sida caafimaad, nafsi, sharci ama arrimo kale oo aqoon gaar ah u baahan, waa in la qaataa talo khubaro. Aragtida ku dhisan aqoon ayaa ka badbaado badan mala-awaal iyo qiyaas.

3. Haddii ay tahay kala duwanaansho dhaqan iyo caado:

Isu soo dhowaada, isfahma, iskuna day inaad heshaan meel dhexe oo labadiinuba ku qanacsan tihiin. Dhaqamada kala duwan waxaa lagu xallin karaa dulqaad iyo wada hadal.

4. Haddii ay tahay arrin dabeecad ama caado shakhsiyeed:

Isku day inaad tanaasul sameysaan inta aad awooddaan. Guurku ma socdo haddii qof walba ku adkaysto "aniga sidaan rabaa”.

Ugu dambayn, guurku ma aha goob lagu muujiyo cidda saxda ah ama guulaysata dood kasta, balse waa meel lagu ilaaliyo xiriir ka qiimo badan khilaaf kasta.