HADHWANAAGNEWS
Wasiirka Wasaaradda Diinta iyo Awqaafta Jamhuuriyadda Somaliland Sheekh Cabdullaahi Daahir Jaamac (Baashe) ayaa maanta kulan muhiim ah la yeeshay isu-duwayaasha Wasaaradda ee gobollada dalka, si loo dardargeliyo hawlaha shaqo iyo isku-duwidda adeegyada diineed ee guud ahaan dalka.
Kulanka ayaa si gaar ah diiradda loogu saaray xoojinta hawlaha xafiisyada gobollada, si loo hubiyo in adeegyada diinta iyo awqaaftu ay noqdaan kuwo hufan, degdeg ah oo tayo leh, isla markaana gaadha dhammaan gobollada Somaliland.
Kulanka waxa sidoo kale ka qayb galay Agaasimaha Guud ee Wasaaradda Diinta iyo Awqaafta, Cabdalle Maxamed Yuusuf, kaas oo warbixin ka bixiyey hawlaha ay wasaaraddu waddo iyo qorshayaasha sanadka 2026.
Wasiirka ayaa ku adkeeyey isu-duwayaasha gobollada in ay:
Laba jibbaaraan dedaalkooda shaqo
Si dhow ula shaqeeyaan bulshada
Horumariyaan adeegyada diineed
Kulankan ayaa qayb ka ah dadaallada joogtada ah ee Wasaaradda Diinta iyo Awqaafta Somaliland ay ku xoojinayso maamul-wanaagga, isla-xisaabtanka iyo tayada adeegyada diineed ee ay u hayso shacabka.
