Dardaaran Iyo Talooyin Ku Anfacaya

1. Noqo Qof Naxariis iyo Ixtiraam Leh:

Dadka ula dhaqan sida aad jeceshahay inay Kuula dhaqmaan. Xusuusnow qof walba qiso gaar ah ayuu leeyahay; erayadaaduna waxay leeyihiin awood, u isticmaal dhisid ee ha u adeegsan burburin.

2. Marna Ha Joojin Barashada:

Had iyo jeer ahaw qof xiiseeya barashada, naftaada maalin kasta la tartan, guuldarrooyinkana u arag fursado aad ku barato, ku korto, kulana qabsato isbeddelka.

3. Mudnaanta Sii Waayo-aragnimada iyo Ujeeddada:

Dooro waayo-aragnimo halkii aad ka dooran lahayd waxyaabo maaddi ah. Hel shaqo macno leh, waqtigaaga geli waxyaabaha aad jeceshahay ee farxadda ku siiya, ma aha kaliya kuwa lacagta kuu keena.

4. Mas’uul Noqo oo Dhabta Raac:

Mas’uul ka noqo ficilladaada, khaladaadka wax ka baro, naftaada iyo dadka kaleba daacad u noqo si aad u gaarto horumar dhab ah.

5. Waqtigaaga Si Xikmad Leh U Maamul:

Ha ku lumin waqtigaaga qaaliga ah ka fekerka wax tagay iyo ka welwel mustaqbal. Si xikmad leh u isticmaal waqtiga, diiradda saar waqtiga hadda la joogo, xusuusnow in waqtigu yahay hantidaada ugu qiimaha badan.

6. Caafimaadka Mudnaanta Sii:

Ilaali caafimaadkaaga jireed iyo midka maskaxeedba. Hurdo kugu filan hel, jimicsi samee, caafimaadkana ka hormari shaqada.

7. Farxadda Dooro:

Farxaddu waa doorasho iyo geeddi-socod, ma aha natiijo ku xiran xaalado qumman. Ka hel farxad waxyaabaha yaryar, kuna dadaal fikirka togan.

8. Xiriirro Adag Dhis:

Guurso qof kugu habboon, waqti la qaado dadka aad jeceshahay, si dhab ah u dhagayso, waqti u raadi dadka kugu dhiirrigeliya horumarka.

9. Noqo Mid Dhab Ah oo Ka bax Khiyaaliga:

Ha isku dayin inaad qof walba raalli geliso. Ka tag kibirka si aad wax u barato una korto. Noqo qofkii aad ku riyoon jirtay inaad noqoto.

10. Alle Tala Saaro:

Waxaan ku xasuusinayaa xadiiskii Nabigeenna NNKH ee ahaa " Ku Dadaal Wax Kasta oo Ku Anfaca, Allena kaalmayso, Hana caajisin"

Usame Qiyasle