hadhwanaagnews Dhugashada Caruurta iyo Mooganaanta Waalidka.
Tabintii: Axmed Cali Kaahin
Soo Jeedintiii: Sh M.R.Naabulsi
Ilmuhu wuxa uu kuugu muuqdaa in uu yar yahay balse wuu fahmayaa wax kasta waanu dhuuxayaa dhugasho gun dheer oo aanad dhaadayn. Ilmuhu ma hadlo ee marka uu mudo wax dhagaysto ayuu bartaa afka sidaasi si lamida dhaqanada ku xeeran wuu kaydsanayaa mudo ka dibna dhaqankiisa ayay noqonayaan waxaa uu kaydiya sidaa daraadeed wax wanaagsan waa in aan u kaydiynaa. Hab-dhaqankaasi oo saamayn wayn ku le noloshiisa sida uu u ekaanayo marka uu waynaado iyo hab-dhaqankiisa oo jaangooysa shaksiyadiisa mustaqbal siday u ee kaanayso iyo sida uu bulshada ula fal-galaayo.
Sidaa daraadeed hooyooyinka iyo aabayaasha waxa ugu wayn ee laga codsadaa waa in ay toosnaadaan marka ay guriga joogaan. Toosnaanta guriga dhexdiisu waa kalmada soo koobta barbaarinta ubadka mana jirto kalmad kale oo soo raacdaa. Sidaa awgeed waa in aanay jirin hab-dhaqan qaloocan, kalmad xun iyo xaalad cadho oo aad albaabada garaacdo allaabtana aad tuurtuurto cadho awgeed taasi oo marmarka qaar keenta dhaqano guran iyo hadalo aan fiicanan sdia cayda iyo dagaalka afka iyo adinkaba.
Ta ugu sii daran way qaylada caruurta lagu qayliyo taasi waxay dhaawacdaa dareenkooda haddii ay si joogta ah ugu soo noqnoqoto. Sikasta oo xaaladu ahaato waa in hooyada iyo aabuhu taxadar xooga u lahaadaan hab-dhaqankooda, dhaq-dhaqaaqooda, cabiraadooda arrimaha iyo hadalkooda caadiga ah ta ugu sii muhiimsan waa shaqada ay qabanayanaa tusaale haddii salaada marwalba hooyadu tukato saamayn wayn bay ku yeelanaynsaa caruurt shaqadaa salaadu.
Haddaba marka hooyada iyo aabuhu ay ahaadaan qaar miisaan oo nidaamsan oo dhamaystiran inta awoodooda ah oo ku qotanta hab-dhaqanka Islaamku inoo dhigay iyada oo la raacayo marka guriga la joogo taasi waa barbaarintii iyo hogaaminta Iskaamka ee ilmaha marka mustaqbalkiisa aduunyo iyo aakhiro la doonayo in sifiican oo anfacda loo diyaariyo hab-dhaqan ahaan iy dareen ahaanba.
Ugu damabyn in ilmaha la waaniyo waxaa ka muhiimsan in ilmuhu adiga kaa dheehdo waxa aad doonayso in aad u sheegto ilmaha adigu samee, runta sheeg runtuu baran salaad guriga ku tuko sunayaasha salaada ayuu jeclaan dhamaan wax yaabahaa waxa uu u qaadanayaa qaab muraayad oo kale ah waa in uu iska kaa dhex arkaa. Haddii ficilo aan fiicnayn ka socdaan ficiladaasi buu dheeganayaa ama dhuganayaa kadibna ku dhaqmayaa. Waa in hab-dhqanka dhug wayn loo yeeshaa waalidkuna lahaadaa in uu naftiisa si fiican u maamulo marka guriga uu jooga maadaama casharo qarsoon laga baranayo.
Tabintii: Axmed Cali Kaahin Soo Jeedintiii: Sh M.R.Naabulsi [email protected]
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
