Wararka la helayo ayaa sheegaya in mooshinkan uu wajihi doono
Hargeysa – Golaha Wakiillada Jamhuuriyadda Somaliland ayaa maanta la horgeeyay mooshin rasmi ah oo lagu xaarantinimaynayo wada-hadallada u dhexeeya Somaliland iyo Soomaaliya. Mooshinkan ayaa waxaa si wadajir ah u saxeexay tiro ka mid ah Xildhibaanada mucaaradka ah ee Golaha.
Wararka la helayo ayaa sheegaya in mooshinkan uu wajihi doono caqabado siyaasadeed, maadaama shirguddoonka Golaha Wakiilladu uu u janjeedho dhanka xukuumadda, sidoo kalena inta badan mudanayaasha Golaha ay yihiin xildhibaano muxaafid ah oo taageera dowladda. Sidaas awgeed, waxaa la filayaa in xukuumaddu ay culays siyaasadeed ku saarto shirguddoonka si aan mooshinku uga midho dhalin.
Haddaba, isha ayaa haatan lagu hayaa maalinta berri iyo sida ay xaaladdu u noqon doonto, iyadoo la eegayo in Golaha Wakiilladu ay gudan doonaan doorkooda dastuuriga ah iyo haddii xukuumaddu ku guulaysan doonto in ay ka hortagto mooshinka.
hadhwanaagnews 
