Xaqiiqada Qaraar ee Noloshan

Libaaxu ha noolaado muddo dheer, ha yeesho awoodo xoog leh iyo cabsi gelin joogto ah, haddana wuxuu mari doonaa waddada dhammaan noolaha sugaysa — wuu dhiman doonaa.

Mararka qaar si murugo leh, xanuun badan, oo sharaftiisa dhaawacda ayuu u dhimanayaa.

Taasi waa xeerka nolosha.

Marka uu libaaxu xooggiisa leeyahay, wuxuu xukumaa duurka,

wuxuu ugaarsadaa xayawaanada kale,

wuxuu dili karaa cid kasta,

wuxuu cuni karaa wax walba,

haddana hadhaadigiisa waxaa quuta dawacooyinka iyo xayawaanka kale ee raaca.

Laakiin cimriga iyo xooggu maaha kuwo joogto ah.

Waqti baa imanaya, jirkiisu wuu daalaa, xooggiisuna wuu dhammaadaa.

Libaaxaas waayeelka ah ma awoodo inuu ugaarsado,

mana awoodo xitaainuu is difaaco.

Wuu qaylinayaa, wuu guuxayaa — laakiin ma jirto cid ka naxaysa.

Markaas ayay dawacooyinkii iyo xayawaankii uu mar cabsi gelin jiray ku hareeraysmaan, waxay ku garaacayaan ciddiyahooda, waxay kaga dhararaan ilkohooda, waxayna bilaabayaan inay cunaan isagoo nool.

Isaga oo neefsanaya ayay jirkiisa kala gooynayaan;

isla indhihiisuu ku arkayaa sidii ay sharafdiisa u burburinayaan.

Taasi waa xaqiiqada qaraar ee noloshan.

Waxaad tan ka arki kartaa nolosha libaaxyada —

waxaadna si cad ugu arki kartaa nolosha dadka gaboobay.

Qof kastaa ha ahaado mid xooggan, qurux badan ama sumcad leh,

maalin baa iman doonta oo uu noqonayo mid tabar daran, cidlo jooga, oo laga jeesto.

Noloshu waxay leedahay sharciyo adag oo aan laga baxsan karin:

Xilalka, hantida, xoogga, iyo quruxda — dhammaan waa kuwo ku-meel-gaar ah.

Ma jiro qof ay u sii jiri doonaan weligood.

Usame Qiyasle