Beddelka sawirrada lacagaha Mareykanka ma aha wax fudud. Markii
Xildhibaan Brandon Gill oo ka tirsan xisbiga Jamhuuriga ayaa soo bandhigay sharci cusub oo lagu beddelayo sawirka Benjamin Franklin ee ku sawiran lacagta $100, laguna xardhayo sawirka Madaxweyne Donald Trump.
Gill wuxuu sheegay in tani ay tahay sharaf iyo maamuus lagu sharfayo Trump, gaar ahaan marka uu dhammeysto xilkiisa. Haddii sharcigan la ansixiyo, xoghayaha maaliyadda Mareykanka ayaa la farayaa inuu diyaariyo naqshadda cusub 2026, waxaana la filayaa in lacagahaasi suuqa soo gasho 2029.
Beddelka sawirrada lacagaha Mareykanka ma aha wax fudud. Markii ugu dambeysay ee wax sidan oo kale ah la sameeyo waxay ahayd 1929. Sidoo kale, sharciga hadda jira wuxuu mamnuucayaa in qof nool sawirkiisa lagu daabaco lacagta rasmiga ah.
Dhinaca kale, xildhibaan kale oo Jamhuuri ah, Joe Wilson, ayaa horay u soo jeediyay in la sameeyo lacag cusub oo $250 ah oo ay ku sawiran yahay Trump, taas oo muujinaysa in taageerayaashiisu ay doonayaan in si rasmi ah loogu xuso lacagta Mareykanka.
Si kastaba ha ahaatee, qorshahan wuxuu u baahan yahay oggolaanshaha labada aqal ee Kongareeska iyo saxiixa Madaxweyne Trump si uu sharci u noqdo. Lama oga sida uu uga gudbi karo caqabadaha horyaalla, maadaama Dimuqraadiyiintu aysan taageero badan u muujin hindisahan.
hadhwanaagnews 
