* N B Hawo Nimay Fogay-Saba Dan Baa Hoos U Soo Celine, Ha La Daayo Cabaadka!...
Akhristaw qofka bani'aadamka ahi markuu khiyaali isaka dhaadhiciyo, oo ay hawo been ah oon jirin isagu is geliyo, isaga baa ay halaysaa naftii yarayd ee uu la bood-boodi jirey, iyaadaan aakhirka dhulka ka soo jarta, kuna tidhaaha waan ka baxay, markii hore-ba anaa wax aanad ahayn kaa dhigaye, ka dib markuu waayo wixii uu welfay, waxay ku dambeeyaan caynka ay yihiin intii haystay " Qudhmiye" Oo haatan baaba'ay ku daba tukan jirtey, kuwaas oo ay ka dhamaatay qaylo, sawaxan, hoogay iyo sidan baa noo dambaysay, markii la waayey wixii la futayn jirey ee ahayd hantidda ummadda. Hadda waa tii laga kari waayey cagaha dhulka dhiga, khalad daaya iyo kibirka aad ku lunsateen hantidda ummadda, dal-kaba ku dhaxlay anigaa kursiga ku fadhiya. Hadaba kolkii la idinka sii daayey neeftii sidda baaluunka isku afuuf-teen, ee dhulka ka soo go'deen, kolba qof baad ku walacdaane aad Gudoomiyaha Xusbiga Waddani " Mudane Xirsi Xaaji" aad doonay-saan in aad brush-kiinii xaarka lahaa aad marmari-saan, taas oo uu yahay ceeb ka saliim, S/Land iyo ummadiisa-ba u daacad ah.
Horaa loo yidhi " Daran-Doori-Yaaba Naas-Naasi" ee hoo waa tan daliil-kiiye. Ummad yahay tan naf ahi, ee inag jirtaa, sinaba na ogola, oo looguma taag helaayo, way cayn-cayn badan tahay, taas oo hadba dhan kale iska rogta oo aanad u fadhiyin, mar kastana weji cusub ku tusta. Mar bay samadaas ku geysaa oo kugu tudhaa " laguma dhaamee dhaqaaq" Siddii Maamuulkii labadda askari, baad ka bacdi is moodaa bir xadiid ah oo aan ka loodin karin, markaas baa ladnaanta xejin karin waydaa, isu qaadataa Rasuul Ka dambeeyey Nebi Mohamed (CSW), Siddii askariggii " Raggii ma adigaa ka hadhay" baa soo joog oo wax maqal lagaa waayaa, ilayn ibtilo bixiso la yidhaaho baa wadee, taas oo ay ku lumen aakhir-kiiye.
Aayad "quraan" ah baa wuxuu micna-heedu yahay " Ha guud socon dhulka adoo jees-jeesaaya, buuro soo dumin maysid, dhul-kana ka dusi mayside" oo micnaha ku jiraa uu yahay " Saya-naas u soco, oo ha is waynayn" Muwaadin hees baa waxa ka mid ahaa ereya-deedda " Hawo nimay fogaysa-ba dan baa hoos u soo celine" Qof waano iyo wax sheeg aad kala quustay, baa ayaamo dabadeed ay caleen-tiisu cadaataa, ku hoos yimaada, waa tii ku dhacday askariga kor ku yaala'e. Ujeedo iyo haatan, kuwan imika qaylinayaa, waxay yihiin kuwii loogu maah-maahay " Dameerta yari isku halayn bay hooyadeed dabadda uga nuug-taaye" Waa intii askariga uu naas nuujin jirey, daba-dhilifyaddii beenta u sheegi jirey, jin-digaagay, Digsi-Xagato iyo gudi-baastaddii beelaha loo adeegsan jirey, ee sidda Xuunshaddii qanjidhka loo tuuri jirey. Markii xoolihii ummadda ee la raqi jirey la waayey waa kuwaas waali maryaha dhigtay, gacmaa madaxa saaray, ilayn meel baa manakh lehe, yaa ka naxaaya ee ay u cabanayaan, saw inakii markii aduunka udub-kiisa la taagay kala quusanay, mucaaridku ma ooyo ee joojiya dhulka aad beerka la dhacaysaan, seefta baa inaga dhaxaysee.
* N B Hawo Nimay Fogay-Saba Dan Baa Hoos U Soo Celine, Ha La Daayo Cabaadka!
Abdi-Shotaly.
Hadhwanaag 
