Meel beer ah oo lagu nasto , ayaa EY baa wuxuu weeraray ilmo yar oo ku ciyaaraaya .
EY-gii oo halis geliyay ilmihii yaraa , ayaa waxa arkay nin meesha maraayay , ey-gii ilmihii wuu ka furfuray , laakiin EY-gii ninkii buu ku soo jeestay oo soo weeraray , ninkii ey-gii wuu diley .
Intii arintanu dhacaysay waxaa arkaayey oo la socday suxufi (weriye) u shaqeeya joornaalka la yidhaahdo (new york times) , sawiro badan ayuu kameradiisa ku sawiray intii arintu socotay .
Suxufigii (weriyihii)ayaa ninkii u yimi , wuxuu ku yidhi: geesinimada aad samaysay waan arkaayey , sawiro badanna waan ka hayaa , joornaalka berito soo baxaaya ayaan boggiisa 1- aad ku soo qorayaa , waxaanan cunwaan uga dhigayaa
( new yorki geesiya oo ilmo yar ey dadcuna ka badbaadiyey .
Ninkii geesiga ahaa wuxuu ugu jawaabay :
anigu reer new york ma ihi .
Suxufigiibaa wuxuu yidhi : maraykan geesiya ooo inan yar ka badbaadiyey , ey dad cuna .
Ninkii geesiga ahaa baa hadana wuxuu suxufigii ugu jawaabay :
Anigu maraykan na ma ihi .
Suxufigii baa inta wejigiisii is bedeley ninkii weydiiyey :
Haddaa xagaag ka timi ?
Wuxuu geesigii ugu jawaabay suxufigii :
Anigu Soomaali baan ahay ..
Suxufigii (weriyihii) intuu iska dhaqaaqay ayuu ku yidhi OKEY .
Maalintii danbe ayaa waxa joornaalkii new york times ku qornaa maqaal cunwaankiisu yahay
( EY MARAYKAN AH OO UU BAKHTIIYEY (DILEY) NIN ASALKIISU SOMALIYA KA SOO JEEDO ) .
Ey-gaas oo uu meel fagaare ah ku diley , FBI duna baadhitaan ayey bilowday in ninkaasi ku lug leeyahay ururada xagjirka ah sida ururka alqaacida iyo Alshabaab.
Bal sida lay noo nacay eeg ,
bal halka colaadeenu marayso eeg .
inana weli waynu soo soconaa , oo qaar baaba iminka badaha ku dhex jira , qaar kalena wey qorsheysanayaan in ay soo qaxaan .
Waxaynu noqonay wixii xunba (soomaalaa leh).
Inaguna waynu isnacnay.
Duniduna way ina nacday.
Hadaba merlina uma fayo qabto qofka.
Calibiixi
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!