hadhwanaagnews
Khabiirka cilminafsiga Adam Phillips ayaa sheegay in doonista farxaddu ay tahay mid ka mid ah waxyaabaha hagaya nolosha aadanaha. Noloshu waxay ka kooban tahay xanuun iyo raaxo, farxad iyo murugo, balse waxa uu tilmaamay in isku dayga joogtada ah ee lagaga fogaanayo xanuunka ama la iska indho-tirayo aanu qofka ka caawinayn inuu si dhab ah ula tacaalo dhibaatadiisa.
Sida uu qabo aragtidan, haddii aynu isku dayno inaynu xanuunka iska indho-tirno, iska illowno ama aynu dadka kale ka mashquulinno dhibaatadooda, waxa adkaan karta inaynu fahanno waxa xanuunka keenaya, ula falgalno si habboon, isla markaana yarayno culayskiisa.
Dhanka kale, dad badan ayaa noloshooda ku saleeya yoolal ay aaminsan yihiin in marka ay gaadhaan ay farxad iyo qanacsanaan heli doonaan. Mararka qaarkood arrintaasi way dhacdaa, hase yeeshee marar badan waxyaabaha aynu farxadda ka filayno ma noqdaan kuwo dhab ahaan inoo keena dareenka aynu doonayno.
Waxaa suuragal ah in sawirrada aynu ku aragno dadka soo jiidashada leh ee ku dhex dhoolla-caddaynaya goobaha quruxda badan, hareerahoodana ay yaallaan baabuur qaali ah iyo waxyaabo qaali ahi, ay si aan toos ahayn u saameeyaan fahamkeenna ku saabsan waxa farxaddu tahay.
Sawirradaasi waxay inagu abuuri karaan fikrad ah in nolosha wanaagsan ay tahay mid lagu cabbiro hantida, muuqaalka iyo waxyaabaha maaddiga ah, xataa haddii aynaan si cad u qiran in aynu sidaas aaminsan nahay.
Ugu dambayn, doodda ku saabsan doonista farxaddu waxay ina xusuusinaysaa in farxaddu aanay ku koobnayn gaadhista yoolal gaar ah ama helitaanka waxyaabo qaali ah. Waxa kale oo muhiim ah in aynu fahanno dareennadeenna, aqbalno in noloshu leedahay waqtiyo adag, isla markaana aynaan sawirrada dadka kale u qaadan halbeegga keliya ee lagu qiimeeyo nolosheenna.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
