hadhwanaagnews
Guul kasta oo dunida laga gaadho ma noqoto guul dhammaystiran. Haddii guushaasi aanay ku dhisnayn raalli ahaanshaha Eebbe, isla markaana aanay qalbiga ku beerin degganaansho iyo qanacsanaan, waxay la mid tahay ubax muuqaal ahaan qurux badan balse aan lahayn udgoon.
Guusha dhabta ahi ma aha oo keliya hanti, mansab ama magac. Waa guusha aad ku gaadho dariiq xalaal ah, qalbigaaguna ku helo xasillooni, Alle-na kaaga raalli noqdo. Taasi waa guusha waarta ee faa'iidada u leh adduun iyo aakhiraba.
Mararka qaar qofku wuxuu gaadhi karaa meel sare oo uu dadku la dhaco, hase yeeshee haddii uu waayo barakada, degganaanta qalbiga iyo raallinimada Alle, guushaasi waxay noqon kartaa muuqaal qurux badan oo madhan.
Xusuusnow: Guusha ugu weyn ma aha inta ay indhuhu arkaan, ee waa tan qalbigu ku nasto, Eebbena raalli ka yahay.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
