Xigmado iyo Erayo Qoto Dheer oo uu Ka Tagay Abwaankii Weynaa Maxamuud Darwiish

Maxamuud Darwiish wuxuu ka mid yahay hal-abuurayaashii ugu saamaynta badnaa suugaanta Carabta. Erayadiisa waxaa ku duugan jacayl, xusuus, rajo, xorriyad iyo xikmad qoto dheer oo taabanaysa qalbiga akhristaha.

Qaar ka mid ah xigmadiisii ugu caansanayd waxaa ka mid ah:

"Waan jeclahay nolosha marka aan awood u helo inaan ku noolaado si qurux badan."

"Waxaan xiiseynaa berri. Maxaa yeelay berri waa meel rajadu ku nooshahay."

"Waxaan ka tagay wax badan oo iga mid ah iyo meelihii aan jeclaa."

"Waxaan ahay waxaan xusuusto, iyo waxaan illoobo labadaba."

"Waan jeclahay nolosha inkastoo ay iga qaado waxaan jeclahay."

"Waxaan ku noolnahay inta u dhexeysa xusuus iyo rajo."

"Waxaan wax ka qoray nolosha si aan u fahmo waxa aan ku noolahay."

"Waxaan u baahanahay xorriyad si aan u noqdo aniga lafteyda."

"Erayadu mararka qaar waxay noqdaan waddan kale oo aan ku noolaanno."

"Xusuustu waa nabar aan waqtigu tirtiri karin."

"Dhulkan waxaa saaran wax u qalma in lagu noolaado; urta kibista waaberiga, aragtida hooyo, iyo rajada."

Erayadani waxay xambaarsan yihiin dareenno qoto dheer oo ka hadlaya qiimaha nolosha, awoodda rajada, muhiimadda xorriyadda iyo raadadka ay xusuustu ku reebto qalbiga aadanaha.

Haddaba akhriste, qodobkee ama xigmaddii ugu badanayd ee qalbigaaga taabatay? Maxaase kugu soo jiitay?

Waxaa qoray: Hammami Cabdi