Wadankii Wadaad Xume Hadduu, Weerar Soo Kiciyay,Waxba Dhawran Mayne,Waa Inaan Wajibkood Marino

Bismillahi Alraxmaan Alraxiim

[A.S.C.W.R.W.B] Tu Khaas Ahna

Bahda H/W Iyo Akhristayaasha.

1-Wadadii Siyaadba Ku Wacanayd, Weyso Been Laha,

Waa Wakiiladii Faqashtiyo,Waaridkii Fiqi.

2-Waran Cadaw Kugu Wareemiyo,

Fulaha Wiirsi Kugu Riixa,

Waxa Lagu Walaaloobay Waa,

Inay Ku Wiiqaan.

3-Wanqashii Aqoonsiga,Ninkii Doona Inuu Waabsho,

War Moogaad,Aduunyadan Ka Tahay, Weel La Dhaansado.

4-Wadkii Ruuxu Galay Laguma Karo,

Waanadiyo Joogta,

Wanweyn Ilaa La Gawraco Indhuhu, Kor Uma Weecdaan.

5-Wasiiro Iyo Sirdoon Weecsanoon,

Waajibkood Gudanin,

Wadarta Ka Xoog Weyn,Markay Talo

Wareer Gaadho.

6-Weerarkii Cadaawu Gudaa,Waakan Soo Galaye,

Wakhtigan Aynu Joognaan,Sugaynin War Iyo Sheekaysi.

7-Wadaad Xuma Wanaageenan Necay,

Nabadna Weydeeyay,

Naxariis Ilaahba Hayoo,Noolahaw 

Siman.

8-Ha Naawilo Naflaha Wax U Maqan,

Ŵuw Nasiib Qorane.

Nacasnimo Sharcigu Kama Naxee, Wuu Ka Nixiyaa.