hadhwanaagnews 
Kulan maanta ka qabsoomay xarunta United Nations ee magaalada Nairobi ayaa dhexmaray wefti ka socday Wasaaradda Ganacsiga iyo Dalxiiska Jamhuuriyadda Somaliland iyo UNESCO.
Kulanka ayaa diiradda lagu saaray xoojinta iskaashiga labada dhinac, gaar ahaan ilaalinta iyo horumarinta aasaarta qadiimiga ah ee Somaliland, kuwaas oo door weyn ka qaata kobcinta dalxiiska iyo dhaqaalaha dalka.
Weftiga Somaliland ayaa UNESCO warbixin ka siiyey goobaha taariikhiga ah ee dalka iyo muhiimadda ay u leeyihiin ilaalinta hidaha qaranka, iyagoo sidoo kale muujiyey fursadaha horumarineed ee ka jira dhinaca dalxiiska.
Kulankan ayaa loo arkaa tallaabo muhiim ah oo Somaliland uga faa’iidaysan karto taageerada caalamiga ah, si loo horumariyo dalxiiska loona ilaaliyo dhaxalka taariikhiga ah ee dalka.
