hadhwanaagnews
Waqtigii Saxaabada, guurka iyo wax kasta oo xalaal ah waa la fududayn jiray. Taasi waxay keentay in xaaraantu adkaato, maadaama dadka loo sahlo jidkii saxda ahaa ee guurka.
Laakiin waqtigan aynu joogno, xaaladdu mararka qaar way ka duwan tahay. Waxaa la adkaaday guurka, taas oo mararka qaarkood ka dhigta in xaaraantu u muuqato mid sahlan.
Tusaale ahaan, haddii nin sabool ah oo toosan yimaado si uu gabar u guursado, badanaa waa la diidaa, iyadoo lagu sababaynayo saboolnimadiisa ama xaaladdiisa dhaqaale. Laakiin haddii nin maalqabeen ah oo anshax xun yimaado, mararka qaar waa la aqbalaa, waxaana la yiraahdaa:
"Dhibaato ma leh, Ilaahay baa hanuunin doona.”
Halkaas waxaa ka dhalanaysa su’aal muhiim ah:
Maxaa loo oran waayay ninka saboolka ah: "Ilaahay baa arsaqi doona”?
Haddii la aamminsan yahay in Ilaahay hanuuniyo qofka khaldan, sow ma aha isla Ilaaha risiqa bixiya oo qofka saboolka ah u furi kara albaabada nolol wanaagsan?
Sidaa darteed, waxaa habboon in guurka la fududeeyo, laguna qiimeeyo diinta, akhlaaqda iyo toosnaanta qofka, halkii lagu salayn lahaa oo keliya maal iyo muuqaal. Markaas ayaa bulshada ku yaraata caqabadaha keena dib u dhaca guurka iyo fiditaanka waxyaabaha xaaraanta ah.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
