Ururada samafalka, oo ay ku jirto Sudan Liberation Movement-Army,...
Masiibo naxdin leh ayaa ka dhacay gobolka Darfur ee Sudan, halkaas oo dhul-gariir weyn uu baabi’iyay tuulada Tarasin, lana sheegay in ku dhawaad 1,000 qof ay ku dhinteen, iyadoo kaliya hal qof uu ka badbaaday.
Dhulgariirkan ayaa yimid kadib roobab xooggan oo maalmo socday oo ka da’ay Buuraleyda Marrah ee Darfur dhexe.
Muuqaallada goobta laga duubay ayaa muujinaya burburka baaxadda leh, halka dadka badbaaday ay raadinayaan meydadka.
Ururada samafalka, oo ay ku jirto Sudan Liberation Movement-Army, ayaa dalbanaya gargaar degdeg ah oo caalami ah.
Dhacdadan naxdinta leh ayaa imaanaysa iyadoo dagaalka sokeeye ee Sudan uu weli socdo, taas oo ka dhigaysa Darfur mid aad u go’an marka la eego helitaanka gargaar.
Qiyaastii 40,000 qof ayaa ku dhintay dagaalka tan iyo bishii Abriil 2023, malaayiin kalena waa barakacay, qaarna waxay ku qasbanaadeen inay caws cunaan si ay u noolaadaan.
Qaramada Midoobay ayaa sheegtay in xaaladda Sudan ay tahay mid ka mid ah dhibaatooyinka bini’aadantinimo ee ugu xun adduunka, hadda oo ay ka sii dartay masiibada dabiiciga ah.
hadhwanaagnews 
