Somaliland iyo Turkiga ayaa ka wada hadlay sidii ay xidhiidhkooda
Maamulka Soomaaliya ayaa si weyn uga cadhooday booqashooyinka waftiyada kala duwan ee Somaliland, gaar ahaan masuuliyiinta Turkiga ee dhawaan booqo ku yimi Somaliland.
Soomaaliya ayaa si xooggan uga muujisay walaac ku aaddan xidhiidhka Turkiga ee Somaliland, iyadoo u aragta in arrintan ay tahay mid Somaliland iyo Turkigu isku soo dhawaanayaan isla markaana xidhiidh wayni dhex mari doono.
Booqashadan waftiga Turkiga ee Somaliland ayaa timid ka dib markii Somaliland ay ka qayb gashay shirar caalami ah oo ka dhacay Isutaga Imaaraatka Carabta.
Somaliland iyo Turkiga ayaa ka wada hadlay sidii ay xidhiidhkooda u sii xoojin lahaayeen, isla markaana ay uga wada shaqeyn lahaayeen arrimo ay ka mid yihiin ganacsiga, maalgashiga iyo amniga, kuwaas oo noqon doona muhiimada ugu weyn ee labada dal u wada qorshaysan.
Somaliland ayaa hadda noqotay dal ay si weyn ugu soo jeedaan waddamada caalamka, iyadoo muuqata in ay ka faa’iideysatay nabadgelyo iyo doorashooyin xorta ah oo ay si guul leh u qabatay, taasoo ka dhigtay inay u muuqato mid ka mid ah tusaalayaasha nabadda iyo xasiloonida ee Geeska Afrika.
Sidoo kale, Somaliland ayaa si cad u muujisay inay sii wadayso xidhiidhkeeda caalamiga ah, iyadoo raadineysa taageero iyo maalgashi ka imanaya dalal badan oo Calaaka ah.