Hadhwanaag
Hargaysa (HWN) Guud ahaanba waxa ka socda deegaanada kala duwan ee Somaliland imtixaanka shahaadiga ah ee fasalada 4aad ee dugsiga sare iyo fasalada 8aad.
Mid
kamid ah macalimiinta ilaalinaysa imtixaankan ayaa dhacdo ugub ku ah ardayda
Somaliland kala kulmay iskuul kuyaala magaalada Burco oo la yidhaa Dugsiga
Sheekh Ibraahim.
Ardayda
iskuulkaasi ku gelaysa imtixaanka ayaa qaar kamid ahi ay macalinkii ilaalinayay
ka tuuraan dhisme fooq ah oo iskuulkaasi ku yaala, macalinka ayaana laga soo
tuuray dabaqa labaad, sida uu baahiyay wariye Luqmaan Maxamed Faarax.
Xaalada macalinka laga
tuuray dhismaha ayaa lagula tacaalayaa cisbitaalka guud ee magaalada Burco.
Talaabadan ayaa ah mid
ka fog anshaxa iyo akhlaaqda ardaynimo waxayna sumcad xumo ku tahay Ardayga
macalinkiisi u gaystay isku daygaas dil .
Sidoo kale saaka waxa
magaalada Gabilay ka dhacay banaan bax kooban oo ay ardaydu kaga cabanayeen
Imtixaanka, iyagoo sheegay in la adkeeyay imtixaanka.
Wasaarada Waxbarashada iyo Gudoomiyaha xafiiska imtixaanka Somaliland oo iyagu dhinacooga hadlay ayaa sheegay in laxaliyay dhibaatooyin kooban oo ardaydu ka cabanaysay, guud ahaan imtixaanku usocdo sihabsami ah.
