Isdhamayse Dunidii Aakhirana,Dhaxalku Waa Naarta.

Bismillaahi Alraxmaan Alraxiim {A.S.C.W.R.W.B}

Tu Khaas Ahna Bahda H/W Iyo Akhristayaasha.

Dhimashada Dhib Weyn Uma Arko,Waa Dhigaal Qoran,

Dhagar Admi Goortay Tahay Bay,Dhaxal Xun Reebtaaye,

Dhiig Islaamna Wuu Culus Yaho,Laguma Dheereeyo,

Dhamaanteedna Soomaaliday,Dhaqan U Soo Raacday,

Dhegxumo Duul Ku Dhaantaynayo,Dhiig Faraha Geliyay,

Dhaadasho Iyo Amaan Moodayoon,Dhaadin Aakhiraba,

Dhulkan Waxa Abaaraha Dul Dhigay,Dhiigan Aadmiga’e,

Dhiig Islaam Dhulkii Lagu Qubaabu,Dhibicda Roob Diiday,

Isdhamayse Dunidii Aakhirana,Dhagaxii Naareed Dheh,

Dhana Uma Fayoobe Alloow,Sidan Si Noo Dhaanta,

Dhaqsana Iiga Maqalo Baryadan,Noogu Badi Khayrka.

Ismail Abdillahi Handuleh.