Saxafi Farxaan Jimcaale Oo Ka Hadlay Xilka Uu Raysal Wasaaraha Somaliya Umagacaabay

Muqdisho (HWN) Saxafi Farxaan Maxamed Jimcaale oo ka tirsan bahda BBC-da oo  raysal Wasaaraha Somaliya umagacaabay inuu noqdo Afhayeenka Ra’iisul Wasaaraha ayaa ka hadlay sida uu u arko xilka loomagacaabay.

Farxaan ayaa qoraal kooban oo uu baahiyay ku yidhi sidan:-

"Bismilaah,

Waxaan uga mahadcelinayaa Ra’iisul Wasaaraha Soomaaliya, Mudane Xamsa Cabdi Barre, xilka uu ii magacaabay ee ah Afhayeenka Ra’iisul Wasaaraha, ahna Agaasimaha Warfaafinta iyo Xiriirka Dadweynaha.

Ra’iisul wasaaraha wuu ku mahadsan yahay inuu ii gartay, iguna aaminay inaan ahay qof ka soo bixi kara xilkaasi culus ee xukuumadda iyo shacabka Soomaaliyeedba loogu adeegayo.

Waxay ii tahay sharaf in aan u adeego Soomaaliya. Waan u mahadcelinayaa dhammaan inta iisoo hambalyeysay”