Astaanta jacaylka ee wadnaha way badan yihiin aragtiyaha
tibaaxaaya
asalka iyo meesha uu kasoo jeedo, astaantan jacaylku way adagtahay in la
xaqiijo maadama ay jirtay kumaan sano kahor; balse aragtida ugu
macquulsan ayaa sheegaysa:
"Afroodhaay waa gabadh kamid ahayd Giriigii hore, waxayna lahayd qurux
xad dhaaf ah. Tolkeeda intay ka yaabeen quruxdeeda ayay waxa ay u
bixiyeen: (Illaahada jacaylka iyo quruxda)! wayna caabudi jireen, sidoo
kalena Roomaankii waxay u bixiyeen (viinas) waxayna go'aansadeen
maadaama ay caabudaan dadkana ay uga duwantahay qurux xad dhaaf ahna ay
lee dahay inaanay dhar xidhan, oo qaawanaan ay dadka ugu dhax joogto
kuguna dhex noolaato; si dadka looga aqoonsado. Gabadhan waxaa loo
dhisay goob Kiniisad ah, halkaasna waxaa tagi jiray ragga iyo dumarka
iyagoo ku tuman jiray waxayna u ahayd inay cibaadaysanayaan.
Markay dhimatay gabadhii ayaa la isku yimid iyagoo is waydiinaya
su'aal ah: maxaynu ku xasuusanaa. Waxayna isku afgarteen in meesha
jidhkeeda ugu qurux badnaa la sawiro, waxayna noqotay badhideeda dambe.
Markii ay sawireenna wuxuu noqoday sawirkii qaabka aynu hadda u naqaano
wadnaha, waxayna is yidhaahdeen "Waxaynu caabudayno laga fiican inaan
nidhaahno dabo dumar ee aan ku qeexno (Wadne) maadama jacaylka uu dago
wadnaha"
Aragti kale ayaa sheegaysa in laga waday naaso hablood. Aragti kalena
waxay odhonaysaa waa dawo dumarka laga mamnuuci jiray. Aragti kalena
waxay sheegaysaa in laga wado dhir ay ku hoos duugan tahay sixir oo waa
astaan sixir. Dhammaan aragtiyahan way iskusoo ag dhawyihiin.
Xaalka Berbera! wadnahaas aynaan ogayn asal ahaan iyo waxa ay gaaladu
uga jeedo waxa uu yahay. Waxaabaynu dusha kasii saarnay magacii Eebbe ee
sharafta iyo cisiga lahaa!!. Subxaanalaah. Talo ahaan waxaan soo jeedin
lahaa hadii aan la baabi'in karayn Wadnahaas in laga dul qaado magaca
Eebbe ee naxariista leh.
FG: Qoraalkan yar waxaan ka sameeyey Video arinkan ka hadlaaya
waxaanna uu ku jiraa Channel-ka "Sahanka Xogaha" waad booqan kartaa
intan in ka faahfaahsana waad ka heli kartaan.
Wabilaahi tawfiiq.
Dowlad Yuusuf Maxammad
Tell: 63 4417917- 4444096
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Hadhwanaagtv 
