hadhwanaagnews
Cabdirashiid Daacad, Maayarka degmada Gabiley, ayaa maanta kormeer ku tegay dugsiyada dawladda ee magaaladaasi oo si weyn ugu diyaar-garoobaya munaasibadda xuska 18-ka May.
Kormeerka waxaa ku weheliyay Xildhibaan Axmed-weli iyo guddida qabanqaabada xuska 18-ka May ee Dawladda Hoose, kuwaas oo qiimeeyay heerka diyaar-garowga, bilicda dugsiyada iyo sida ay ardaydu uga qayb qaadanayaan dabaal-degga maalinta qaranimada Somaliland.
Masuuliyiinta ayaa bogaadiyey dadaalka ay muujinayaan maamulka dugsiyada, macallimiinta iyo ardayda, iyagoo xusay muhiimadda ay leedahay ka qaybqaadashada bulshada ee munaasabadda 18-ka May.
