HADHWANAAGNEWS
Ministry of National Defense of Turkey ayaa ka digtay inay qaadi doonto "dhammaan tallaabooyinka lagama maarmaanka ah” haddii ay jirto khatar ku wajahan dhulka iyo hawada Turkey, kadib markii ay sheegtay in gantaal balaastik ah oo laga soo riday Iran la qabtay markii uu soo galay hawadeeda.
Wasaaradda Difaaca Turkiga ayaa sheegtay in dalkaasi uu si weyn u qiimeeyo xidhiidhka deris wanaagga iyo xasilloonida gobolka, balse ay diyaar u tahay inay si adag uga falceliso khatar kasta oo amniga dalka halis gelisa.
Digniin Adag oo Turkiga Soo Saaray
Qoraal ay soo saartay wasaaradda ayaa lagu sheegay:
"Turkiya waxay muhiimad weyn siisaa xidhiidhka deris wanaagga iyo xasilloonida gobolka. Si kastaba ha ahaatee, waxaan mar kale ku nuuxnuuxsaneynaa in dhammaan tallaabooyinka lagama maarmaanka ah si go’aan leh loo qaadi doono khatar kasta oo ku wajahan dhulka iyo hawada dalkeenna.”
Wasaaraddu waxay sidoo kale sheegtay in digniinaha Turkiga ee ku saabsan xaaladda gobolka ay muhiim tahay in si dhab ah loo dhegeysto.
Xiisad Hore oo U Dhaxaysay Iran iyo Turkiga
Warbixinta ayaa xustay in usbuucii hore Turkiga uu sidoo kale ku eedeeyay Iran inay gantaal ku soo riday dhulkiisa, balse ciidamada qalabka sida ee Iran ay beenisay eeddaas.
Dhacdadan ayaa ku soo beegantay xilli xiisadaha militari ee Bariga Dhexe ay sii kordhayaan, iyadoo ay jiraan dagaallo iyo weerarro gantaallo oo ka socda dalal badan oo gobolka ka tirsan.
