hadhwanaagnews
Guddoomiyaha Waxbarashada Gobolka Maroodi-Jeex, Mudane Khadar Cabdi Ibraahim, ayaa kulan la yeeshay 48 xubnood oo ka tirsan kooxda Hubinta Tayada Waxbarashada, kuwaas oo lagu soo xulay hannaan caddaalad ah sannadkii 2024.
Xubnahan ayaa tan iyo markaas ka shaqaynayey hubinta tayada waxbarashada dugsiyada Gobolka Maroodi-Jeex, iyaga oo kormeer iyo qiimayn ku sameeya heerarka waxbarashada ee dugsiyada kala duwan.
Masuuliyiin Heer Qaran ah oo Ka Qaybgalay
Kulanka waxa sidoo kale ka qayb galay:
Agaasimaha Hubinta Tayada ee Wasaaradda Waxbarashada Heer Qaran, Maxamed Cumar
Agaasimaha Waxbarashada Dugsiyada Sare, Faadumo Geele
Agaasimaha Waxbarashada Dugsiyada Hoose, Axmed Ismaaciil Cabdi
Agaasimaha Hubinta Tayada ee Wasaaradda Waxbarashada, Maxamed Cumar, ayaa carrabka ku adkeeyey muhiimadda hubinta tayadu u leedahay xaqiijinta himilooyinka iyo tayada waxbarashada dalka.
Dhiirrigelin iyo Xoojinta Tayada
Masuuliyiinta ka hadlay kulanka ayaa ku boorriyey waaxda hubinta tayada ee gobolka inay sii xoojiyaan doorkooda, si loo hubiyo:
Kor u qaadista tayada waxbarashada
Gaadhista heerarka waxbarasho ee la hiigsanayo
Horumarinta nidaamka waxbarasho ee dugsiyada gobolka
Kulankan ayaa qayb ka ah dadaallada lagu xoojinayo tayada waxbarashada iyo kormeerka dugsiyada ee Gobolka Maroodi-Jeex.
