Xukuumaddu waa inay muujisaa geesinimo, daahfurnaan,
Xukuumadda Somaliland maanta waxay taagan tahay meel adag oo taariikhi ah. Siyaasadihii socdaalka iyo shuruudaha E-visa ee Soomaaliya ku xidhay rakaabka caalamka.
waxay Somaliland ka dhigeen sidii container la xidhay oo dusha ka furan,
dadku way arkaan, balse xoriyaddii dhaqdhaqaaqa Muqdisho way xanibtay.
Haddaba, su’aasha taagan waa:
ma ku sii jiri doonaa xaaladdan lagu qasbo in muwaadiniinta iyo martida Somaliland ay maraan albaabka Muqdisho oo musuq iyo laaluush lagu xidhay? Mise xukuumaddu waxay qaadi doontaa tallaabooyin geesinimo leh oo ka dhiga Somaliland meel xor ah oo aan cid kale ku amar ku taagleyn?
Madaxda Somaliland marka ay dhoofaan , ma E-visa ayay u soo qaadan foonaan , hadii ay isyidhaahdaan dalka ku soo noqda ?
Xikmadda iyo Xalka:
- Xukuumadda Somaliland waa inay fahamtaa in siyaasadda socdaalka ay tahay tiir ka mid ah madax-bannaanida.
- Waa in la abuuraa nidaam cad oo daahfuran oo martida iyo muwaadiniinta ku iman kara Somaliland aanay ku xidhnaan Muqdisho.
- Diblomaasiyad firfircoon ayaa loo baahan yahay: wadahadal lala yeesho shirkadaha diyaaradaha, dalalka deriska, iyo hay’adaha caalamiga ah si loo xaqiijiyo in Somaliland si toos ah loogu iman karo.
- Musuq iyo laaluush waa cudur siyaasadeed
- Somaliya oo E-visa ka dhigtay in aad laaluush bixiso , si aad E-visa u heso .
Farriinta ugu weyn
Somaliland ma aha jeel dusha ka furan haddii ay doorato inay ka baxdo xannibaadda siyaasadeed ee lagu hayo.
Xukuumaddu waa inay muujisaa geesinimo, daahfurnaan, iyo hal-abuur siyaasadeed si ay u xaqiijiso in dadka iyo martida Somaliland ay xor u noqdaan socdaalkooda.
Xorriyadda socdaalka waa calaamad sharaf iyo madax-bannaani. Somaliland waa inay diyaaradaha dhulkeeda imanaya , ay shuruudeeda u hogaansanaadaan oo fuliyaan .
Qalinkii: Cali Biixi
HADHWANAAG 
