1. Mareykanka: Tiirka Nidaamka Caalamiga ah,
Khatarta siyaasadeed ee ka dhalan karta burburka Mareykanka iyo korodhka awoodda Shiinaha, gaar ahaan haddii hogaan aan la aamini karin uu sii wado hagidda Mareykanka:
Badbaadada Mareykanka Waa Badbaadada Dunida: Falsafad Siyaasadeed oo ka Dhan ah Hogaan Xasarad Wata .
Hordhac;
Dunidu waxay ku tiirsan tahay xasiloonida Mareykanka sida ay bini’aadamku ugu tiirsan yihiin neefta.
Tan iyo dhammaadkii Dagaalkii Labaad ee Aduunka, Mareykanka wuxuu ahaa tiirka ugu weyn ee nidaamka caalamiga ah: dimuqraadiyad, xuquuqda aadanaha, xoriyadda hadalka, iyo ilaalinta nidaamka ganacsiga iyo nabadda caalamka.
Laakiin hadii hoggaan aan la aamini karin uu burburiyo tiirkaas, dunidu waxay geli kartaa mugdi siyaasadeed oo aan laga soo kaban karin.
1. Mareykanka: Tiirka Nidaamka Caalamiga ah,
Mareykanka wuxuu dhisay nidaam caalami ah oo ku saleysan:
- Dimuqraadiyad la aqoonsan yahay
- Xuquuqda aadanaha oo la ilaaliyo
- Iskaashi caalami ah oo la isku haleyn karo
- Falsafad siyaasadeed oo la jaanqaadaysa dhaqamada kala duwan .
Haddii tiirkaas la burburiyo, waxaa bilaabanaya:
- Dagaalo ganacsi iyo amni
- Isku dhacyo siyaasadeed oo gobolaysan
- Korodhka xagjirnimada iyo kali-talisnimada.
2. Shiinaha: Ma Bedeli Karo Mareykanka
Inkasta oo Shiinaha uu kor u kacay dhaqaale ahaan, haddana:
- Ma laha falsafad siyaasadeed oo la jaanqaadaysa dunida
- Ma aqoonsana xuquuqda aadanaha sida caalamku u fahmo
- Ma aqbalo dimuqraadiyad iyo xoriyadda hadalka
- Ma daneeyo cimilada, dhaqamada, ama xoriyadda diinta
Shiinaha wuxuu dunida u arkaa:
Suuq weyn (super Market) oo ay ka adeeganayaan, balse aan la wadaagin qiimaha bini’aadamka).
Haddii Shiinaha uu noqdo hogaamiye caalami ah, dunidu waxay geli kartaa:
- Kaligii-talisnimo caalami ah
- Xakamayn xogeed iyo teknoolojiyad
- Dib-u-dhac falsafadeed iyo aqooneed.
3. Donald Trump: Hogaan Xasarad Wata
Sida ay falanqeeyayaal caalami ah sheegeen, hogaanka Donald Trump wuxuu:
- Yareeyay saameynta Mareykanka ee hay’adaha caalamiga ah
- Kor u qaaday kala fogaanshaha xulafada Mareykanka
- U furay Shiinaha fursad uu ku buuxiyo booska Mareykanka ee caalamka
Trump wuxuu ku dhaqmaa aragti ah "America First
Oo ah:
( Isku filnaansho siyaasadeed, ganacsi gooni ah, iyo burburinta heshiisyada caalamiga ah).
Tani waxay keeni kartaa:
- Burburka nidaamka caalamiga ah
- Korodhka awoodda Shiinaha iyo Ruushka
- Dagaalo siyaasadeed iyo ganacsi oo aan xad lahayn.
4. Xalka: Badbaadada Mareykanka Waa Badbaadada Dunida
Si dunida looga badbaadiyo khatarta Shiinaha iyo burburka Mareykanka:
- Waa in Mareykanka uu yeesho hogaan la aamini karo, oo leh aragti caalami ah.
- Waa in la ilaaliyo hay’adaha caalamiga ah sida UN, WHO, IMF, iyo WTO.
- Waa in la xoojiyo xulafada Mareykanka ee dunida, Asia, iyo Afrika.
- Waa in la horumariyo falsafad siyaasadeed oo ku saleysan wada-jir, xoriyad, iyo caddaalad.
Gunaanad: Dunida Ma Aqbali Karto Hogaan Xasarad Wata,
Dunidu waxay u baahan tahay Mareykan xasiloon, hogaan caqliyeysan, iyo nidaam caalami ah oo la isku halleyn karo.
Hogaan aan la aamini karin
sida Donald Trump wuxuu halis gelinayaa:
- Mareykanka
- Dunida
- Mustaqbalka bini’aadamka
Badbaadada Mareykanka waa badbaadada dunida.
Waa waajib caalami ah in laga hortago burburka hogaanka Mareykanka, si loo ilaaliyo nabadda, dimuqraadiyadda, iyo xoriyadda, xuquuqda aasamaha iyo sinaanta caalamka.
W/Q:
Cali Biixi
hadhwanaagnews 
