Shirkan oo todobaadkiiba mar qabsooma ayaa ujeeddadiisu
Agaasimaha Guud ee Wasaaradda Horumarinta Caafimaadka Jamhuuriyadda Somaliland, Dr. Axmed Maxamuud Jaamac, ayaa maanta xafiiskiisa ku shir-guddoomiyay shirka toddobaadlaha ah ee Agaasime-waaxeedyada kala duwan ee Wasaaradda Horumarinta Caafimaadka.
Shirkan oo todobaadkiiba mar qabsooma ayaa ujeeddadiisu ahayd dib-u-eegis iyo qiimayn lagu sameeyo habsami u socodka hawlaha shaqo ee wasaaradda, iyadoo sidoo kale layskaga xog-waraystay waxyaabihii qabsoomay toddobaadkii hore iyo caqabadaha jira si wadajir ah loogu wajaho.
Agaasimaha Guud ayaa warbixino kala duwan ka dhagaystay agaasime-waaxeedyada wasaaradda, waxana uu ku amaanay sida hufan ee ay u wadaan hawlaha shaqo ee loo igmaday. Sidoo kale waxa uu kula dardaarmay inay sii dardar-geliyaan hawlaha ay qaranka iyo wasaaradda u hayaan.
hadhwanaagnews 
