Xikmadaha Nolosha: 2

Monday May 26, 2025 - 11:37:31
hadhwanaagnews
U fiirso sida uu ula doodo qof aan ra'yigiisa la qabin.



1. Haddii aad rabto inaad ogaato garaadka qof:

U fiirso sida uu ula doodo qof aan ra’yigiisa la qabin.

2. Haddii aad rabto inaad nolol farxad leh ku noolaato:

Ku xir noloshaada hadaf cad, ha ku xirin dad ama hanti.

3. Haddii aad rabto inaad fahanto qiimaha sannad:

Weydii arday sannadkii u dambeeyay ku dhacay imtixaanka.

4. Haddii aad rabto inaad wax iga ogaato:

I weydii aniga laftayda, ha rumaysan hadallada dadka kale – dadka jecel inay been abuuraan way badan yihiin.

5. Haddii aad rabto inaad ogaato xaqiiqda qofka:

Sii lacag ama xil – (Maahmaah Ingiriisi ah).

6. Haddii aad rabto inaad sharaf ku noolaato:

Ka fogow cidda aan ku qiimeynin.

7. Haddii aad rabto inaad ogaato garaadka qof:

Ka Caraysii, dabadeed eeg sida uu u falceliyo – markaas ayaad ogaan doontaa heerka maskaxdiisa iyo halka aad ka joogto qalbigiisa xilliga xanaaqa.

8. Haddii aad rabto inaad ogaato akhlaaqda qof:

La-tali ama la safar – safarka ayaa kashifa dabeecadda qofka.

9. Haddii aad rabto inaad ogaato sida ay dadka kaaga hadlaan marka aad maqan tahay:

Dhagayso sida ay uga hadlaan dadka kale marka aad agtooda joogto.

10. Haddii aad rabto inaad ogaato nooca dadka kugu xeeran:

Haddii aad tuurto laf – eey baa imanaya,

Haddii aad tuurto abuur – shimbiro baa imanaya,

Haddii aad tuurto naftaada – saaxiibadaada dhabta ah baa soo baxaya.

Qodobkee si gaar ah kuu soo jiitay ?!

Usame Qiyasle

     
AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!

Loading...