Dagaalka markii hore sida la sheegay wuxuu ku bilowday beelo...
Itoobiya ayaa sheegtay in ay xirtay xadka ay la leedahay Somaliland kaddib markii ay halkaas ka dhaceen dagaallo dad ku dhinteen maalmihii la soo dhaafay.
Dagaalka ayaa la sheegay in uu ka dhacay gudaha iyo hareeraha tuulada Dawacaley ee degmada Harshin. Wararka waxay sheegayaan inay ku dhinteen dad ka badan 125 qof oo shacab u badan kuwaasoo aas wadareed loogu sameeyey degaanka Bali Gubadle
Dagaalka markii hore sida la sheegay wuxuu ku bilowday beelo dagaallamay balse markii ay toos u soo farogeliyeen ciidanka loo yaqaan Liyuu Boolis oo ka tirsan gobolka Soomaalida ayaa keentay in ay Somaliland ka carooto.
Wasaaradda amniga gudaha Somaliland ayaa shalay soo saartay qoraal ay ku eedeyneyso Liyu boolis inay "xasuuqeen” rayid, waxayna wasaarada sheegtay in ay dowladda Itoobiya u gudbisay cabasho.
Mid ka mid ah beelaha dagaalamay ayaa la sheegay iney ka soo jeedo Somaliland, iyadoo dagaalka uu ka dhashay khilaaf salka ku haya dhul lagu muransan yahay
Khilaafkan ayaa dhaawacaya xiriirka dhow ee u dhexeeyay Itoobiya iyo Somaliland xili mustaqbalka heshiiska badda ee labada dhinaca saxiixdeen janaayo sanadkan uu shaki ku jiro maadaama Itoobiya ay heshiis kale la saxiixatay Dowlada Somalia.
hadhwanaag 
