Hadhwanaag
Boorama (HWN) Ugaaska
Guud ee Beelaha Gadabuursi Ugaas
Cabdirashiid Ugaas Rooble ayaa Hambalyo
u diray Madaxweynaha Cusub iyo Kuxigeenkiisa Somaliland.
Ugaaska ayaa qoraal uu
baahiyay ku yidhi sidan:-
"Waxaan hambalyo iyo
bogaadin u dirayaa Madaxwaynaha la doortay ee Somaliland, Mudane Dr.
Cabdiraxmaan Maxamad Cabdillaahi (Ciro) iyo Madaxweyne ku xigeenka Ambassador
Maxamad Cali Aw Cabdi. Waxaan Eebbe uga baryayaa in uu xilka culus ku asturo,
iyagana waxaan kula dardaarmayaa in ay dadku caddaalad wada helaan.
Waxan halkan uga mahad
celinaya dhaman bulshoweynta Somaliland, gaar ahaan qoomiyada Gadabuursi ee aan
ugaaska u ahay ee degta gobollada galbedka Somaliland, aad iyo aad baad ugu
mahadsantihin sida aad iiga ajiibten
baaqii aan idin soo jeediyay ee ahaa in aad taageertaan isbeddel doonka wadanka ka socday.
Ugu dambayn, waxaan inoo rajeynayaa guul iyo midnimo, ayuu ku soo gabagabeeyay qoraalka uu baahiyay Ugaas Abdirashiid Ugaas Rooble Ugaas Doodi Ugaaska Guud ee qowmiyadda Gadabuursi.
