Burco (HWN) Guddoomiyaha
Xisbiga WADDANI Mudane Xirsi Cali X Xasan iyo Masuuliyin ka Tirsan Xisbiga
WADDANI ayaa Magalada Burco kulan balaadhan kula qaatay Cuqaal ,Odayaal,
dhalinyaro aqoonyahan iyo haween kaso jeeda gobollada Togdheer Sool iyo Saaxil
ee beesha Maxamed Yoonis ee Habar jeclo, Kulan ayaa dabasocday Kulan Hargaisa
uga dhacay beesha dhawaan.
Waxgaradka Beesha ayaa
tilmaamay in ay kaalin weyn ka qaadanayaan dadaalka isbedel ee xisbiga WADDANI,
islamarkaana codkooda iyo cududooda la barbar istaagayaan hoggaanka xisbiga si
isbedel hoggaamineed dalka uga dhaco xisbiguna ugu guulaysto dooroshooyinka
muddaysan
Madaxda Xisbiga WADDANI
ayaa si kal furan u soo dhaweeyay haldoorka beesha, islamarkaana uga
mahadceliyay taageeradooda.Sidokale tilmaamay in ay xil weyn iska saari doonaan wax ka qabashada deegaannada
beesha iyo horumarintooda.
Todobaad yadii ugu
dambeeya xisbiyada Kulmiye iyo Waddani ayaa waday kulamo gaar gaar ah oo ay la
yeelanayaan beelaha kala duwan ee Somaliland.