Bismillaahi Alraxmaan Alraxiim [A.S.C.W.R.W.B]
Qadhmuuneey Qabyaalad,Qaran Kuma Dhaqmo,Qasaaray Dhashaa,
Qoon Tamar La'aniyo,Qof Cidaan U Tudhinba,Ku Qabaanta Iyo Tuuga,
Qardofaday Abuurta,Qarniyay Jirtaayoon,Quunteed Bugsonaynin,
Qaaxo Weeye Cuduro,Ku Qarsoon Dadkeeno,
Qaraxeeda Mooyaane, Qofna Aanu Garanayn,Qaarna Ay Ku Faanaan,Qurux Ay U Haystaan,
Quruumaha Aduunyadu,Quus Bay Ka Joogane,Ka Qashaafa Oo Naca,
Qudha Intey Ka Goyso.Qabri Galay Daraded,Inaga Reebtay Qayrken,
Qaradlaha Siyaasiga,Haddaan Layska Qabanu,Qoolkaas Inagu Wado,
Qolqolo U Qaybshaan,Qumanow Kitaabkuba,Qoortena Sudhan Yahay,
Qofkastana Boqor Yahay,Qooman Wada Jirkenii,Allaha Qaadira Jira.
Ismail Abdillahi Handuleh.
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!