hadhwanaagtv
Ciidamo katirsan milatariga Somaliland oo ku jira xerada Gorayo-cawl ee kutaalla gobolka Awdal ayaa sameeyay dhoolo-tus cajiib ah, oo ay ugu diyaar garoobayaan xuska 18-ka May oo ah markii ay ku dhawaaqeen gooni u goosadka Somaliland.
Ciidamada ku jira xerada ayaana sameeyay gaardo ka ciyaar nuucyo kala duwan ah, waxa ay sidoo kale ciidamada halkaasi kuoo bandhigeen awoodooda ciidan, iyagoona tilmaamay in ay diyaar u yihiin difaaca deegaannada Somaliland.
Gudoomiyaha gobolka Awdal Xasan Daahir Xadi iyo masuuliyiin kale oo la socotay ayaana daawaday dhoolo-tuska ay ciidamada milatariga Somaliland ku sameeyeen xerada Gorayo-cawl ee gobolka Awdal.
Maamulka Somaliland ayaana si weyn u xusa 18-ka bisha May
sannad kasta, taariikhan ayaana ah markii ay ku dhawaaqeen dowlad madax-bannaan
oo ka goosatay Soomaaliya inteeda kale, inakstoo aysan wali helin aqoonsi rasmi
ah.
