hadhwanaag
Wasiiru dowlaha Nabadda
ee Itoobiya, Taye Dendea, ayaa shaqada laga eryay oo la xiray, maalmo ka dib
markii uu ku dhaleeceeyay mas'uuliyiinta mamnuucidda isu soo bax ka dhan ah
dagaalka.
Dibad-baxa ayaa lagu
waday in la qabto maalinta Axadda, si loogu diro baaqyo nabadeed gobollada
Axmaarada iyo Oromiya. Balse dib ayaa loo dhigay ka dib markii ku dhowaad boqol
qof la xiray.
Wareysi uu siiyay
BBC-da ayuu Taye ku dhaleeceeyay ra'iisul wasaare Abiy Axmed, isagoo sheegay in
uusan u damqan dadka Itoobiya ee ay saameeyeen colaadaha iyo faqriga.
War ka soo baxay
dowladda ayaa lagu eedeeyay wasiirkii hore in uu la shaqeynayay waxa ay ugu
yeertay nabad-diidka. Waxa ay sidoo kale ku eedeysay inuu ku lug lahaa falal
argagixisannimo iyo afduub.
BBC
